Tifozët e Sparta Pragës bënë një veprim skandaloz duke vendosur banerë anti-Kosovë.
I menjëhershëm ka qenë reagimi i lojtarit të ekipit të tyre, njëherësh edhe lojtari i Kombëtares sonë, Albion Rrahmani.
Harta e Kosovës me flamurin serb ishte pranishme në mesin e tifozëve ultras të Sparta Pragës me mbishkrimin: S’ka dorëzim.
Në ekipin e Sparta Pragës luajnë dy futbollistë nga Kosova: Albion Rrahmani dhe Ermal Krasniqi si dhe dy futbollistët nga Shqipëria: Qazim Laci dhe Indrit Tuci.
Rrahmani ka reaguar menjëherë për këtë mbishkrim në profilin e tij zyrtar në Instagram.
Ai publikoi banerin e tifozëve “Dardanë” në duelin ndaj Qipros ku kishin vendosur hartën e Kosovës me flamurin shqiptar dhe me mbishkrimin: “Ëndrra e gjithkujt, realiteti ynë!”.
