Policia e Lushnjës ka arrestuar një 39-vjeçar të akuzuar për dhunë në familje edhe për ngacmim seksual të vajzës së saj, 11-vjeçare.
Policia bën me dije se denoncimi është bërë nga bashkëshortja e të dyshuarit dhe që ka ngritur dy kallëzime ndaj tij.
“Specialistët për Hetimin e Krimeve të Komisariatit të Policisë Lushnjë ndaluan shtetasin A. R., 39 vjeç, banues në fshatin Krutje e Poshtme, pasi dyshohet se ka ushtruar dhunë ndaj bashkëshortes së tij, si dhe ka keqtrajtuar dhe ngacmuar seksualisht vajzën e saj 11 vjeçe”, njofton policia.
