“Djathtas 1912” është subjekti politik që ka në krye disa nga figurat e larguara nga Partia Demokratike, si Enkelejd Alibeaj, Arbi Agalliu, Flutura Açka, Seladin Jakupllari, Edvin Kulluri, Agron Kapllanaj, Roland Bejko.
Qëkur ky grup u nda nga Basha ka treguar se nuk mbështet as opozitën e Sali Berishës. Dhe duket se deputetët që janë bërë pjesë e kësaj force, e kanë treguar edhe në Parlament, se një raport as miqësor nuk kanë as me kolegët nga Partia Socialiste.
Teksa kanë qenë duke dalë nga seanca plenare, Flutura Açka ka qenë në shoqëri të Arbi Agalliut, kur tek shkallët kanë ndeshur disa nga deputetët e Partisë Socialiste.
Ashtu edhe si duket nga fotot e shkrepura nga paparaci ynë, Açka dhe Agalliu, jo vetëm që nuk i kanë folur, por janë spostuar për të shmangur edhe çdo kontakt fizik me ta, qoftë ky edhe rastësor. Nga ana tjetër, duket deputeti Paulin Stërkaj, teksa ka vijuar me rrugën e tij, duke preferuar që as ai mos t’i përshëndesë.
