Teksa rutina e përditshme na “mbyt”, një hobi mund të na shpëtojë nga gjendja jo e mirë emocionale apo dhe stresi.
Mësimi i një aftësie të re na shpërqendron nga negativiteti që kaplon përditshmërinë tonë si dhe na jep qëllime të reja individuale pozitive.
Përfitimet e hobive nuk janë vetëm psikologjike, por gjithashtu dhe biologjie, pasi kthimi i vëmendjes jep kënaqësi dhe kufizon prodhimin e hormoneve të stresit. Gjithashtu zvogëlohet sasia e kohës së qëndrimit par një ekrani, duke ndikuar pozitivisht tek sytë dhe shtylla kurrizore.
Njihuni me 6 hobi që “zhbllokojnë” emocionet tona dhe përmirësojnë humorin tonë
1.Muzika
Kur luajmë muzikë, qarkullimi i gjakut në sistemin limbic, zonat e trurit përgjegjëse për krijimin dhe kontrollin e emocioneve, rriten. Kjo çon në një shëndet më të mirë emocional, reduktim të stresit dhe marrëdhënie më të mira ndërpersonale. Kështu që kapeni kitarën, uluni në piano, ose luani me atë klarinetë.
2.Pikturimi me bojërat e ujit
Edhe nëse nuk e ndjen veten Pikason, të pikturosh me ngjyra uji mund të jetë pikërisht ajo që të duhet. Hulumtimet kanë treguar se piktura është anksiolytike dhe ngre nivelet e serotoninës, saqë edhe mbajtja e furçës në duart tona dhe eksperimentimi me ngjyrat dhe dizajnet ka përfitime të mëdha, e në kujtesën tonë. Bojërat e ujit në veçanti janë miqësore për përdoruesit fillestarë, mjaft ekonomike (krahasuar me p.sh. bojërat akrilike ose vajore) dhe për shkak se ngjyrat e tyre janë të buta ato qetësojnë sistemin tonë nervor.
3.Argjila
Mund të mos jetë hobi më i lehtë ose më i lirë në botë, pasi ose do t’ju duhet të blini një rrotë ose të shkoni në një studio, idealisht me një furrë për të pjekur krijimet tuaja, por argjila ia vlen. Luajtja e argjilës mund të zvogëlojë nivelet e kortizolit në trupin tonë në vetëm 45 minuta, dhe kërkimet tregojnë se praktika ka përfitime të veçanta për ata që vuajnë nga depresioni ose ADHD, pasi ndihmon trurin tonë të zbrazet ndërsa harmonizon sistemin tonë nervor. Dhe të pish kafe në filxhanin që ke bërë me duart e tua? Vlerë e paçmueshme.
4.Puzzle
Puzzles mësojnë durimin dhe përmirësojnë kujtesën afatshkurtër, si dhe krijimin e lidhjeve të reja midis neuroneve në trurin tonë. Pas disa kohësh aktivizimi i të gjitha këtyre zonave të ndryshme të trurit mund të ndihmojë në mbrojtjen e funksionit tuaj kognitiv dhe mbajtjen e trurit tuaj të ri. Për ata që vuajnë nga ADHD, puzzles janë një mënyrë e shkëlqyer për të zbrazur mendjen dhe për të qetësuar mendimet negative.
5.Fjalëkryqe
Fjalëkryqet ndihmojnë në lidhjen e koncepteve, fjalëve dhe numrave, të cilat duket se ndikojnë në zhvillimin e strategjisë në afat të gjatë.
6.Mësimi i një gjuhë të re
Mësimi i gjuhëve të huaja është një nga mënyrat më të mira për trurin tonë për të mësuar t’i zgjidhë problemet më shpejt. Fushat e përfshira në kontrollin e të folurit aktivizohen tek individët dygjuhësh dhe shumëgjuhësh sa herë që dëgjojnë gjuhën e tyre jo-amtare, pasi truri i tyre siguron të njëjtën fjalë në të dyja (ose më shumë) gjuhë.
