Gjykata Kundër Korrupsionit dhe Krimit të Organizuar ka zhvilluar një seancë gjyqësore paraprake për rreth 40 minuta, lidhur me çështjen “Partizani” ndaj Jamarbër Malltezit, dhëndrit të kreut të PD-së, Sali Berisha.
Avokatët e Malltezit përgjatë seancës kanë paraqitur disa prova shkencore, në mbrotje të klientit të tyre, por më pas ata kërkuan shtyrje të seancës.
Raportohet se shkak i shtyrjes së seancës është bërë një angazhim tjetër, i cili nuk është i cilësuar për media.
Sakaq, seanca e radhës do të mbahet më 14 shkurt 2025.
Sali Berisha është marrë i pandehur për korrupsion pasiv pasi akuzohet se ka ndërmarrë veprime konkrete në miratim ligjesh dhe aktesh nënligjore, për t’i përshtatur sipas nevojave të pesë familjeve pronare në kompleksin sportiv Partizani, ku përfitues ishte edhe dhëndrri i tij, Jamarbër Malltezi.
Jamarbër Malltezi akuzohet për korrupsioni pasiv, kryer në bashkëpunim me Sali Berishën pasi në marrëveshje me këtë të fundit, duke shfrytëzuar pushtetin, privatizuan kompleksin partizani që i solli familjes miliona euro përfitime. Malltezi akuzohet dhe për pastrim parash.
