Mbrojtja e institucioneve shtetërore nga sulmet kibernetike bëhet në mënyrë të përkohshme dhe me dëshirën e vetë institucioneve, pasi në vend nuk ekziston një ligj përkatës. Ministri i Transformimit Digjital, Stefan Andonovski, në një intervistë për Radio Evropën e Lirë, shpreson që kjo të zgjidhet nëpërmjet miratimit të ligjit të ri.
“Për fat të keq, ne jemi shtet pa Ligj për Siguri Kibernetike derisa të gjitha shtetet edhe nga rajoni edhe nga Evropa kanë miratuar ligje të tilla para 13 vitesh. Ne bëjmë përpjekje që të miratohet ligji tani, sipas të gjitha gjasave deri në qershor. Ai ligj do të jetë udhërrëfyesi ynë ku duhet të lëvizim në mbrojtjen kibernetike. Tani mbrojtjen që e ofrojmë në hapësirën kibernetike është ad-hok. Nëse ndonjë institucion vetë vendos të mbrohet, ajo atë e bën. Por, ende nuk kemi obligim të gjitha institucionet atë ta bëjnë dhe për atë është kjo pabarazi që na ndodh, ku disa institucione shumë shpesh janë shënjestër e sulmeve kibernetike”, tha Stefan Andonovski, ministër i Transformimit Digjital.
