Gazetar: Mihajllo Donev
Me 77 vota pro, deputetët miratuan interpelancën për anëtaren e Këshillit Gjyqësor Vesna Dameva. Më vonë, me 74 vota, Kuvendi miratoi konkluzione me të cilat vlerësoi se Dameva kishte humbur legjitimitetin e saj duke kontribuar në cenimin e reputacionit të gjyqtarëve, por edhe në cenimin e besimit të qytetarëve në sistemin e drejtësisë. Për Damevën, megjithatë, interpelanca nuk ka bazë ligjore, duke theksuar se ajo ishte në shënjestër të presioneve politike së bashku me familjen.
“Interpelanca është një instrument për kontrollin dhe mbikëqyrjen politike të Kuvendit, Qeverisë dhe mbajtësve të tjerë të posteve publike. Nuk ka asnjë justifikim, deputetë të respektuar, as në interpretimin e këtij instituti se me mbajtës të tjerë të funksioneve publike bëjnë edhe mbajtësit e funksioneve në gjyqësor. Dhe nganjëherë madje pyesja veten nëse ishte e nevojshme politika të shkelë mbi njerëzit e gjallë. A i konsiderojnë politikanët familjet e atyre që i kanë cak?”, deklaroi Vesna Dameva, anëtare e Këshillit Gjyqësor.
Koordinatori i grupit parlamentar të VMRO-DPMNE-së, Nikolla Micevski, i bëri thirrje Damevës të mos luajë rolin e viktimës, por të përgjigjet për të gjitha parregullsitë në punën e saj.
“Më besoni, nëse ka sulme personale nga deputetët nga shumica qeverisëse, unë do të jem ai që do t’ju mbroj. Megjithatë, kjo tezë se ju jeni viktimë dhe se dikush dëshiron t’ju sulmojë, jo znj. Dameva, ne jemi këtu për të bërë diçka në lidhje me procesin, sepse besimi që keni prej dy për qind në gjyqësor, fajtori më i madh jeni ju në Këshillin Gjyqësor sepse nuk i keni menaxhuar proceset siç duhet”, tha Nikolla Micevski-Koordinatorit të Grupit të Deputetëve të VMRO-DPMNE-së.
Opozita, nga ana tjetër, është e mendimit se me interpelancën pushteti ekzekutiv ndërhyn në legjislaturë, dhe pas fjalës së Spasovskit, deputetët e LSDM-së u larguan në mënyrë demonstrative nga salla dhe nuk morën pjesë në votim.
“Kjo interpelancë është pa bazë ligjore, megjithatë pa efekt juridik, dhe nëse miratohet dhe votohet në Kuvend, do të përfundojë njësoj si interpelancat e mëparshme dhe përsëri do të presim që pas debatit të kërkojmë nga ata të japin dorëheqje, ose të mos japin dorëheqje. Nuk mendoj se reforma në asnjë rast mund të jetë me interpelanca ose me ndryshime të mundshme të personelit”, u shpreh Oliver Spasovski -Koordinator i Grupit të deputetëve të LSDM-së.
Talat Xhaferi nga Fronti Evropian, i tha Kryetarit të Kuvendit se nuk është e mundur të shkarkohen anëtarët e Këshillit Gjyqësor me shumicë të thjeshtë, të cilët me Badinter u emëruan nga Kuvendi.
Kryetari Gashi dëshiron të shkarkojë anëtarët e Këshillit Gjyqësor të cilët zgjidhen me shumicë votash prej 61 deputetësh, plus Badenteri. Kryetari vendos tani t’i shkarkojë pa votim të dyfishtë. Ju, si Kryetar, duhet ta dini se Ligji dhe Kushtetuta tregojnë mënyrën si zgjidhen dhe shkarkohen, ashtu edhe duhet të shkarkohen. Ata emërohen me Badenter, dhe ti dëshiron t’i shkarkosh me shumicë të thjeshtë.
Edhe nëse deputetët i votojnë interpelancat e tjera, në fund vetë deputetët do të duhet të vendosin nëse do të japin dorëheqjen apo jo. /Alsat.mk
