Gazetar: Angell Dimovski
Revizorët kanë zbuluar një sërë parregullsish në punën e Agjencisë për menaxhimin e pasurisë së konfiskuar. Nga Enti Shtetëror për Revizion thonë se nuk është kryer kontroll i brendshëm me çka është dëmtuar buxheti i shteti për 7 milionë euro, shkruan Alsat.
Sipas të dhënave nga viti 2011 deri në vitin 2024, vetëm 26,83 miliardë euro janë raportuar nga të hyrat totale nga shitja e objekteve dhe pasurive të patundshme dhe janë paguar vetëm 19,59 miliardë euro, më shumë se shtatë milionë euro nuk janë paguar në thesarin e shtetit.
“Analiza e të ardhurave të realizuara nga shitja e pasurisë së konfiskuar dhe mjeteve të paguara në Buxhetin e shtetit, të realizuara nga Agjencia në periudhën nga viti 2011 deri më 30 shtator 2024, tregon se nga të ardhurat e përgjithshme të realizuara në vlerë prej 1,650 miliardë denarë, në Buxhetin e shtetit janë paguar 1,205 miliardë denarë, pra janë paguar 445 milionë denarë më pak”, thonë nga Enti Shtetëror i Revizionit.
Për sa i përket menaxhimit të pasurisë së konfiskuar, revizorët kanë zbuluar se Agjencia nuk vepron në përputhje me parimet e ligjshmërisë, ekonomisë, efikasitetit, transparencës, trajtimit me vëmendjen e një ekonomisti të mirë, përgjegjësisë, ekspertizës, profesionalizmit dhe shpejtësisë..
“Aktet nënligjore që rregullojnë mënyrën e trajtimit të pasurisë së konfiskuar nuk janë të publikuara në Gazetën Zyrtare dhe megjithëse janë të publikuara në faqen e Agjencisë, nuk përmbajnë numër arkivor, datën e miratimit dhe nënshkrimin e kryetarit të Bordit Drejtues si konfirmim për vlefshmërinë e tyre”, thonë tutje nga Enti Shtetëror i Revizionit.
Për të kapërcyer të gjitha këto probleme revizorët rekomandojnë harmonizimin e kornizës ligjore me nevojat për vlerësimin e pasurisë së konfiskuar dhe trajnimin e të punësuarve.
Plotësimi i vendeve të punës me personel të kualifikuar, përmirësim teknik të zgjidhjeve softuerike të përdorura nga Agjencia, evidencë të qartë dhe transparente i të gjitha gjësendet e konfiskuara, me vlerësim të duhur të vlerës së tyre, reformimi i procedurave për shitjen e pasurisë së konfiskuar dhe sigurimin e dokumentacionit të plotë për të gjitha shpenzimet dhe transaksionet./ Alsat.mk
