Kryeministri i Maqedonisë së Veriut sot në Shkup në takimin e Komitetit të Përhershëm të Asamblesë Parlamentare të NATO-s ka kërkuar nga mekanizëm që nuk do të lejojnë që mosmarrëveshjet bilaterale të bëhen pengesë në të ardhmen.
“Mendoj se duhet të shqyrtohet krijimi i mekanizmave që do të parandalojnë që mosmarrëveshjet bilaterale të bëhen pengesë për realizimin e qëllimit kolektiv dhe të përbashkët. Nëse të gjithë së bashku e ruajmë shtëpinë – atëherë kemi të drejtë edhe t’i themi hapur problemet, zhgënjimet dhe pritjet tona”, kërkoi Mickoski.
Ai e vlerësoi si ngjarje të rëndësishme për Maqedoninë e Veriut që Komiteti i Përbashkët i Asamblesë Parlamentare të NATO-s po i zhvillon aktivitetet këtu.
“Gjatë pesë viteve të fundit nga anëtarësimi jonë në NATO, kontribuojmë në mënyrë aktive për sigurinë dhe stabilitetin kolektiv të Aleancës”, deklaroi Mickoski, duke shpreh gatishmërinë për pjesëmarrje të përgjegjësive si në paqe dhe krizë.
Ai theksoi se vendi po zbaton reforma të thella në sektorin e mbrojtjes, duke përfshirë edhe sigurinë kibernetike.
“Bashkëpunimi rajonal është kyç për stabilitetin e Ballkanit. Për ne kjo paraqet njëkohësisht përgjegjësi dhe mundësi – të jemi urë: mes popujve, mes institucioneve, mes vizioneve. Përmes iniciativave si Karta e Adriatikut dhe partneriteteve bilaterale me fqinjët, investojmë në një siguri që nuk njeh kufij. Besojmë se Ballkani mund dhe duhet të jetë shembull për zgjidhjen e dallimeve përmes dialogut dhe respektit të ndërsjellë”, deklaroi Mickoski.
Maqedonia e Veriut mbushi plot 5 vjet që është pjesë e NATO-s. Më 27 Mars 2020,vendi zyrtarisht u bë anëtar i NATO-s, ndërsa më 30 mars, flamuri i Maqedonisë, si flamuri i vendit aleat të 30, u ngrit në selinë e NATO-s në Bruksel, përpara Komandës supreme të forcave aleate (SHAPE) – Komanda aleate për operacione në Mons, Belgjikë dhe Komanda aleate për transformime në Norfolk, Virxhinia, SHBA.
