Sot në Gjykatën e Tetovës do të vazhdojë rigjykimi për zjarrin në spitalin modular të Tetovës ku u dogjën 14 persona.
Seancën e sotme pritet të lexohen dëshmitë e dëshmitarëve të Prokurorisë të cilat janë dhënë në gjykimin paraprak, për shkak të efikasitetit të procedurës.
Ndërsa në seancë pitet të dëshmojnë edhe tre dëshmitarët nga mbrojtja e të akuzuarit Florin Besimi.
Në këtë rast akuzohen ish drejtori mjekësor i spitalit Florin Besimi, ish drejtori Ekonomik Artan Etemi dhe Spitali i Tetovës si person juridik.
Besimi dhe Etemi, akuzohen për veprën penale “Krime të rënda kundër sigurisë publike”, ndërsa ISHP Spitali Klinik i Tetovës për veprën penale “Shkaktim i rrezikut të përgjithshëm”.
Rasti rigjykohet pasi Gjykata e Apelit të Gostivarit e ka kthyer lëndën në Gjykatën Themelore në Tetovë.
