Ka ndërruar jetë në spital 25-vjeçari Erdal Tumba, i cili ishte plagosur rëndë në aksidentin e ndodhur më 18 maj në fshatin Pouskë të Prizrenit.
Në këtë aksident të rëndë, që përfshiu tre persona, Dilge Nanovçe humbi jetën në vendngjarje, ndërsa Tumba u transportua me urgjencë në Spitalin Publik të Prishtinës, ku qëndroi nën kujdes intensiv për tre javë.
Pavarësisht përpjekjeve të mjekëve, i riu nuk arriti t’u mbijetojë plagëve të marra dhe ndërroi jetë gjatë ditës së sotme.
Lajmin e hidhur e ka bërë të ditur vëllai i viktimës, Edber Tumba, përmes një postimi emocional në rrjetet sociale, ku shkroi:
“E di që je në parajsë, vëllai im i bukur… Thuhet se Allahu i merr herët robërit e tij të preferuar.”
Autoritetet vazhdojnë hetimet për të zbardhur rrethanat e plota të aksidentit.
