Një aksident rrugor është regjistruar pasditen e sotme në afërsi të fshatit Bulgarec, në qarkun e Korçës. Sipas informacioneve paraprake, një automjet ka dalë nga rruga dhe është përmbysur, duke shkaktuar lëndime për katër pasagjerë.
Në vendin e ngjarjes ka mbërritur ambulanca, e cila ka transportuar në spital tre fëmijë dhe një grua, të cilët ndodheshin në automjet në momentin e aksidentit. Fatmirësisht, të lënduarit ndodhen jashtë rrezikut për jetën.
Ndërkohë, policia po punon për zbardhjen e shkaqeve të aksidentit.
