Deputeti i AAK-së, Daut Haradinaj, ka reaguar ndaj deklaratave të Ministrit të Punës së Serbisë, Aleksandar Vulin.
Vulin ka kërkuar nga bashkësia ndërkombëtare të reagojë ndaj kërcënimeve të Daut Haradinajt, për “spastrim të Kosovës nga Serbët”.
“Serbët nuk mund të jenë pengje të vëllezërve Haradinaj”, ka thënë ai, transmeton Telegrafi.
Reagimi i Haradinajt, përmes profilit të tij në Facebook, është ky: “Vulin, sa për ty dhe për shefat tu historikë, asnjë kishë serbe nuk kish me mbet në Kosovë.
Shqiptarët që ti i quan ‘terroristë’ i kanë ruajtur e kultivuar që 500 vjet, dhe atë jo për hatrin tënd, por se kështu jemi ne shqiptarët.
Ne jemi shqiptarë, edhe myslimanë edhe katolikë edhe ortodoksë, dhe e duam njëri-tjetrin.
Ju e keni prishur veten tuaj duke e vendosur fenë para kombit. Kështu mendojnë shqiptarët.
Shqiptarët s’kanë bërë dhe s’bëjnë kurrë spastrim etnik, kemi dhënë prova se jemi njerëz të fjalës dhe këtu pajtohem me të gjithë, por ndjekja nga kriminelët në Beograd do ta marr përgjigjen e njëjtë çdo herë”.
