Bilall Kasami tha se situata në vend është e komplikuar, por vlerëson se VMRO-DPMNE në këtë rast bën një blof, se sa në të vërtet ka potencial për të bërë diçka.
“LSDM si duket po bie pre e këtyre provokimeve dhe nuk po merr guximin për të bërë diçka për qytetarët. Dita ditës si duket po humbet edhe shpresa tek qytetarët se ata mund të bëjnë diçka dhe të dërgojnë në histori këtë diktaturë. Mendoj se është moment i fundit që LSDM të merr hapa më të guximshme”, tha Kasami në emisionin Zig Zag në TV ART.
Kasami tha se LSDM do të duhej të ketë strategji e cila do të vendoste para aktit të kryer VMRO-DPMNE, një strategji që do ta dinte opinioni i gjerë por edhe bashkësia ndërkombëtare.
