Në Merdarë u shënua Dita Ndërkombëtare për Personat e Zhdukur, ku u përurua edhe një përmendore në shenjë nderimi për 1666 të pagjeturit e Kosovës, të cilët janë të zhdukur që nga lufta e vitit 1999
Kryetari i Komisionit Qeveritar për Persona të Zhdukur, Prenk Gjetaj, tha se përkujtimi i të pagjeturve nuk ndihmon asgjë për gjetjen e më të dashurve, por u shpreh se kjo ndihmon për t’i treguar botës për këtë problem, raporton KP.
Ai tha se adresa për kërkimin e të pagjeturve është kufiri me Serbinë.
Tubimi në Ditën Ndërkombëtare të Personave të Zhdukur u organizua nga Këshilli Koordinues i Asociacioneve Familjare të të Zhdukurve të Kosovës.
