Pas lajmeve të fundit që Besim Ahmeti djali i axhës së kryetarit të Lipjanit u bashku me PDK-në i menjëhershëm ka qenë reagimi i Ahmetit në një postim në rrjetin social Facebook duke u krenuar me familjen e tij, raporton Ulpianapress.
Ky është postimi i plotë i kryetarit Ahmeti:
”Jam krenar për familjen time, familjen Ahmeti. Besim Ahmetin e kam djalë axhe, kemi qënë e do jemi gjithmonë bashkë, në të mira e në vështirësi.
Familja Ahmeti, bart me krenari traditën e gjyshit tonë, i njohur e i dënuar në lëvizjet e Ballit Kombëtar të viteve 1943/1944- Bahti Ahmeti.
Ne do vazhdojmë të jemi bashkë në çdo sfidë për vendin dhe shoqërinë tonë me Besimin dhe gjithë familjen Ahmeti.
Me miqët dhe mbështetjen e qytetarëve ndihemi të nderuar për familjen tonë.”
