Duke iu referuar koalicionit të PDK-së me AAK-në dhe Nismën për Kosovën si koalicion i krimit e atij të LDK-së me AKR-në dhe Alternativën, si koalicion i dështimit, sekretari organizativ i VV-së, Dardan Molliqaj, ka thënë se nëpërmjet Komisionit Qendror të Zgjedhjeve (KQZ), këto koalicione kanë penguar mërgimtarët që të regjistrohen për të votuar në zgjedhjet e 11 qershorit, shkruan sot Koha Ditore.
Në një konferencë për media të mbajtur të martën, Molliqaj ka deklaruar se nga mërgata këto koalicione nuk mund të marrin asnjë votë. Ndryshe sipas tij KQZ-ja e këto koalicione kanë vepruar me Listën Serbe, të cilën ka thënë se e kanë favorizuar.
