Formimi i ushtrisë së vendit ka qenë pjesë e premtimeve dhe zotimeve të politikanëve, por gjithçka deri tash përfundoi me kaq.
Madje për formimin e ushtrisë ka pasur edhe një nismë nga presidenti i vendit, Hashim Thaçi të cilën ky i fundit është dashur ta tërheq për shkak të kundërshtimit nga Lista Serbe, por edhe mos përkrahjes së bashkësisë ndërkombëtare.
Edhe në fushatat parazgjedhore formimi i ushtrisë është duke u premtuar pothuajse nga të gjithë.
Mirëpo, analistët politik mendojnë se formimi i ushtrisë nuk varet nga politikanët, por nga lidershipi i Beogradit.
Edhe poliologu Ramush Tahiri, mendon se politikanët po e shfrytëzojnë për marrje të votave.
Ai shprehet se ushtria do të bëhet në momentin dhe mënyrën kur akterët ndërkombëtar dëshirojnë ta bëjnë një gjë të tillë.
