Serbia kërkoi sot kthimin e mesazheve të shkruara në librin e homazheve nga liderët botërorë për vdekjen e Titos dhe që u shfaqën në mënyrë misterioze në Spanjë, njoftoi një zyrtar.
Pas vdekjes së tij, presidentët dhe politikanët që vizitonin Beogradin, për disa vite, e kanë pasur të detyrueshëm kalimin në memorialin ku ishte varrosur i ashtuquajturi ”mjeshtri i ish-Jugosllavisë”.
Ata ishin të pranishëm në librin e homazheve për Josip Broz Titon, i cili ka qenë një prej krerëve të lëvizjes së vendeve të paangazhuara sidomos në NATO dhe Traktatin e Varshavës, së bashku me indianin Jawaharlal Nehru dhe egjiptianin, Gamal Abdel Nasser.
Një shoqëri ankandesh ka parashikuar të organizojë të shtunën në Malaga një shitje të mesazheve të shkruara që mendohet të jenë shkëputur nga ky libër.
Mes autorëve të mesazheve të propozuara për shitje bëjnë pjesë George Bush, i vjetri (në atë kohë zëvendëspresident i SHBA-së), palestinezi Yasser Arafat, drejtuesi i fundit i Bashkimi Sovjetik, Mihail Gorbaçov si dhe kryeministrat e vrarë suedez dhe indian, Olof Palme dhe Indira Gandhi.
