Gjykata Themelore në Prishtinë ka refuzuar kërkesën e mbrojtësve të katër aktivistëve të Lëvizjes Vetëvendosje për ndërprerjen e masës së arrestit shtëpiak, raporton Arbresh.info.
Lajmin e ka bërë të ditur mbrojtësi i aktivistit Frashër Krasniqi, avokati Tomë Gashi përmes një postimi në Facebook.
Sipas avokatit Gashi, katër aktivistët e VV-së, të cilët akuzohen për sulm në Kuvendin e Kosovës më 4 gusht të vitit të kaluar, Frashër Krasniqi, Adea Batusha, Atdhe Arifi dhe
Egzon Haliti, do vazhdojnë të mbeten në arrest shtëpiak.
Ai ka bërë të ditur se kundër këtij vendimi ka bërë ankesë në Gjykatën e Apelit.
Avokati Gashi, vendimin e Gjykatës Themelore e cilëson si të padrejtë këtë vendim, i cili sipas tij, katër të akuzuarve të cilët janë të nominuar nga Vetëvendosje si kandidat për deputet po ua pamundësohet dalja në fushatë zgjedhore./ Arbresh.info/
