Aleksandar Grujiq, kryetar i partisë Forca Përparimtare e Kosovës e ka tërhequr listën e deputetëve nga zgjedhjet që do të mbahen më 11 qershor në Kosovë.
Ai tha se i ka dëgjuar këshillat e presidentit Aleksandar Vuçiq, që të jenë të bashkuar në zgjedhjet në Kosovë.
“Ne kemi besim të plotë në Serbinë dhe përfaqësuesit e saj të zgjedhur në mënyrë legjitime, ne jemi të sigurt se ata do të jenë shumë efektiv dhe do të mbrojnë interesat e popullit serb në Kosovë”, bëhet e ditur në një deklaratë nga kjo parti, transmeton lajmi.net
Gjashtë lista serbe kanë qenë planifikuar të marrin pjesë në këto zgjedhje, kurse kohëve të fundit në mesin e serbëve në Kosova ka pasur edhe përçarje.
Vuçiq gjatë zgjedhjeve u ka bërë thirrje partive politike serbe në Kosovë që të bashkohen dhe të votojnë Listën Serbe, pasi sipas tij është e vetmja parti që mbrojnë të drejtat e Serbisë në Kosovë.
Nga 120 vende në Prlament, serbët i kanë të rezervuara 10 vende. /Lajmi.net/
