Vlora Limani Hajnuni, Kryesuese e Kuvendit Komunal në Lipjan, pohoi se ata që për sa muaj kërkuan shkarkimin e saj sot e patën rastin por nuk ishin në sallë.
“Ata që për sa muaj kërkuan shkarkimin tim, sot e patën rastin por nuk erdhën. Bazuar në shkresën shpjeguese të MAPL-së e cila absolutisht që nuk më obligonë por me qëllim të hapjes rrugë për procese të cilat janë në interes të qytetarit dhe komunës dhe më që PDK dhe AAK kanë insistuar me ngulm edhe në mbledhjen e fundit të KPF të mbajtur në muajin e kaluar, unë kam thirrur këtë seancë të jashtëzakonshme me të vetmen pikë të rendit të ditës: Votëbesimi tim si kryesuese e Kuvendit të Komunës Jemi dëshmitar që tash e disa muaj Kuvendi i Komunës ka qenë po thuajse i bllokuar nga ana e deputetëve të PDK-AAK –së me pretendimin që i kanë numrat dhe përmes numrave mund të përmbysin gjitha duke bllokuar vendime të rëndësishme për qytetarët e Lipjanit, sic janë; rritja e buxhetit, bartja e të hyrave, rishikimin e buxhetit subvencionet për klubet sportive, subvencionet për bujqësi dhe vendimin për heqjen e shpenzimit të varrimit përmes BIK-ut dhe shumë e shumë vendime tjera të rëndësishme për Komunën e Lipjanit”, tha ajo për LipjaniNews.
“Për krejt këta muaj PDK-AAK vetëm sa nuk i ka ngreh edhe shpatat për të luftuar për pozitën e Kryesuesit të Kuvendit dhe sot ne jemi këtu edhe unë jam këtu që ti masim numrat me që ata kështu e kuptojnë demokracinë, numra por jo procedura. Më kanë akuzuar për një milion shkelje fantome ligjore, për shkelje të rregullores së punë së kuvendit e çka jo tjetër. I kanë përzier aq shumë punët duke u thirr në numra sa që nuk kanë pas kohë as të ulën dhe të diskutojnë dhe ta shkruajnë një kërkesë për seancë të jashtëzakonshme ashtu siç e thotë Ligji mbi vetëqeverisjen lokale, pavarësisht qe për këtë gjë ju kemi treguar edhe unë por edhe Kryetari i Komunës nga kjo foltore. Por natyrisht ata asnjëherë nuk e kanë bërë një kërkesë të tillë nuk e kanë bërë as tash sepse ata thjesht nuk kanë qenë asnjëherë dhe nuk janë as tash të interesuar të marrin pozitën e Kryesuesit të Kuvendit. Ata nuk kanë qenë për asgjë tjetër të interesuar përveç se të bllokojnë procese dhe projekte të cilat do të ndodhnin në Komunë”, pohoi Hajnuni.
Ata kanë insistuar që të heqin nga rendi i ditës të gjitha propozim vendimet që kanë të bëjnë me buxhetin sepse aty ishin të parapara mjetet për ndërtimin e shatorëve të dëshmorëve, shtoi ajo.
“Ishin edhe të parapara mjetet për përfundimin e punimeve në sheshin Adem Jashari dhe në Stadiumin e qytetit dhe shumë projekte të tjera në gjithë territorin e Komunës së Lipjanit. Në një situatë normale dhe në një vend normal ku partitë politike sillen brenda konditave demokratike, opozita nuk do duhet të ndjehet e kërcuar nga këto projekte sepse as sheshi e as stadiumi nuk janë te LDK-së dhe Imri Ahmetit, edhe pse dorën në zemër këto do mbetën projekte të lidhura ngushtë me emrin e tij. Në një demokraci normale opozitës nuk do të duhej ti pengonte ndërtimi i shtatoreve të dëshmorëve të Kombit, e jo sidomos atyre që për 18 vite janë thirr dhe kanë përfitu në emër të luftës dhe dëshmorëve dhe kanë proklamuar që janë ma shqiptar se sa të gjithë ne, më patriot se sa të gjithë ne, pohoi më tej.
“Dhe tani më që ata nuk janë këtu, me që ata s’kanë pas as guximin dhe as kurajën të jenë në këtë seance të jashtëzakonshme për të cilën iniciator ishin veta ata , jam e vetëdijshme që nga distanca do vazhdojnë të flasin demagogët, dirigjuesit dhe skenaristët e cirkut dhe komedisë së tyre të ndërtuara bazuar në numra, duke provuar të arsyetohen në forma të ndryshme se pse sot mungojnë në këtë seancë. Unë ju them që sot ata do të duhej të merrnin guximin të ishin këtu dhe të ballafaqohen fillimisht me numrat e tyre të famshëm dhe pastaj me ne. Në fund tashmë gjithçka është e çartë dhe për sheshazi, ata janë bllokues të proceseve në Komunë dhe para vetës nuk kanë asnjë interes tjetër pos atë të klanit të tyre”, tha në fund Kryesuesja Hajnuni/LipjaniNews/
