Më datë 16 qershor në Prishtinë, një baba ka raportuar vajzën e tij të mitur në polici, e cila ishte bërë pre e lojës së fundit vdekjeprurëse “Balena Kaltër”.
Sipas raportit policor, vajza kishte gërvishtur duart me një mjet të prehtë duke bërë vizatime në formë balene.
Viktimës i është ofruar tretman mjekësor, ndërsa njësitet policore janë duke hetuar rastin.
Ndërkaq, gjatë ditës së djeshme është raportuar se me iniciativën e Agjencisë Shtetërore për Mbrojtjen e të Dhënave Personale dhe bashkërendimin e veprimeve me ofruesit kryesorë të internetit në Kosovë, ka filluar bllokimi i qasjes në aplikacionin e quajtur ‘Balena Kaltër”.
