Sonte në Click Plus të TV 21, i ftuar ishte anëtari i Kryesisë Qendrore i Lëvizjes BESA, Shaban Zendeli i cili ka folur për akutalitetin politik.
“Që prej fillimit të krizës politke Lëvizja BESA kishte dalë me Platformë për dalje nga kriza e thellë politike e njohur si “Ridefinimi”, ku kërkohej Prokurori Speciale Publike, por edhe Gjykatë Speciale, e cila do ti hetonte të gjitha rastet në mënyrë transparente dhe të pandikuara politikisht deri në fund, dhe të mos paraqiteshin probleme që ka tani. Marrëveshja e Përzhinos u arrit me konsensus, mirëpo Prokuroria Speciale pati shumë obstruksione”, – theksoi Shabani.
