Një vajzë pesë vjeçare ka humbur jetën dje derisa është goditur nga një veturë.
Sipas Policisë në Mitrovicë aksidenti ka ndodhur sot rreth orës 16:00 në rrugën rajonale në fshatin Bajgorë.
“Nga hetimet e para bëhet e ditur se drejtuesi i veturës, tashmë i dyshuar e ka goditur fëmijë e cila më pas është dërguar në spitalin rajonal në Mitrovicë e më pas edhe në QKU ku pas disa orësh mjekët kanë konfirmuar se ka ndërruar jetë”, ka thënë për KosovaPress zëdhënësi i Policisë për rajonin e Mitrovicës Avni Zahiti.
Sipas Zahitit i dyshuari është arrestuar të cilit i është caktuar masa e ndalimit policor.
Trupi i pajetë i viktimës është dërguar për obduksion.
