Një burrë ka vrarë bashkëshorten e tij gjatë një udhëtimi me anije në shtetin amerikan të Alaskës dhe arsyeja ka qenë shumë e pabesueshme. Ai tha se gruaja e tij kishte qeshur shumë dhe ai s’mund ta duronte.
Kenneth Manzanares e ka ndërmarrë këtë veprim tragjik sepse “gruaja e tij nuk ndalonte së qeshuri.”
Trupi i 39-vjeçares, e identifikuar si Kristy Manzanares nga Utah, është gjetur me plagë të rënda në kokë në kabinën e tyre në anije dhe Kenneth është arrestuar nga agjentët e sigurimit pasi e gjetën me gjak në duar dhe rroba, raporton BBC.
Një dëshmitar ka hyrë në kabinë përpara agjentëve të sigurimit dhe e pa Kenneth duke tërhequr trupin e viktimës në ballkon. Kur dëshmtari e pyeti se çfarë ka ndodhur, 39-vjeçari i dyshuari për vrasjen iu është përgjigur: “Ajo nuk ndalonte së qeshuri me mua.”
Incidenti ka ndodhur mbrëmjen e së martës në anijet e lundrimit të Emerald Princess që ishte nisur me rreth 3.400 pasagjerë nga Seattle të dielën për një udhëtim një javor.
