BESA: Nuk i kemi caktuar emrat për kandidatë për kryetarë komunash

Partitë politike shqiptare ende nuk kanë zgjedhur kandidatët me të cilët do të garojnë në zgjedhjet lokale. Nga Lëvizja BESA thonë për televizionin Shenja se analizat, bisedimet dhe kalkulimet do të bëhen në periudhën në vazhdim, dhe më pas do të dilet me emra konkret.
“Lëvizja Besa është në konsultim me të gjithë strukturat e saj, këshillat vendor dhe lokal gjithandjen Maqedonisë për emra të mundshëm për kryetar komunash. Deri tani nuk kemi ndonjë emër konkret, por opinioni do të jetë i njoftuar me kohë edhe për kandidatin e mundshëm por edhe me ekspertët të cilët do ti qëndrojnë prapa kryetarit të komunës gjatë asaj fushate. Të gjitha emrat dhe lajmet që qarkullojnë në opinion dhe portale të ndryshme janë dashakeqe dhe tendencioze dhe me siguri burojnë nga oponentët tanë politik të cilët i ka kapur frika se do ti humbin komunat e tyre”, tha Faton Fazliu, shefi i kabinetit të kryetarit të Lëvizjes Besa.