Një autobus dykatësh i njohur si “double-decker” është përplasur në dyert e një lokali në Londër, ku si pasojë të gjithë pasagjerët që gjendeshin në katin e sipërm kanë mbetur të ngujuar, dhe tani ekipet e zjarrfikësve janë duke bërë të pamundurën që t’i shpëtojnë, shkruan Daily Mail.
Nuk dihet se sa pasagjerë kanë mbetur të ngujuar në autobus, apo nëse ka të lënduar apo viktima. Disa media angleze kanë raportuar se dy gra kanë mbetur të ngujuara në katin e sipërm, transmeton Telegrafi.
Aksidenti ka ndodhur në orët e para të mëngjesit, kurse shkaqet e këtij aksident nuk dihen.
Si pasojë e këtij aksidenti, trafiku në Londër është në kolaps, kurse policia përmes profilit zyrtar në Twitter ka lutur qytetarët e Londrës që t’a shmangin lagjen Lavender Hill ku edhe ka ndodhur aksidenti. /Telegrafi/
