Ministri i Shëndetësisë i Tunizisë, Slim Shaker, ka vdekur nga sulmi në zemër teksa ka marrë pjesë në maratonën që është organizuar për të mbledhur fonde në luftën kundër kancerit.
Ministri 56 vjeçar ka vrapuar 500 metra në maratonën, të cilën e ka organizuar një shoqëri për mbledhjen e parave për ndërtimin e spitalit për fëmijë që vuajnë nga kanceri, bën të ditur Ministria e Shëndetësisë, përcjell ksp.
Ministri ka mbajtur fjalim, ndërsa pasi që është futur në veturë i ka ra të fikët dhe më vonë ka vdekur në spitalin ushtarak në Tunis.
“Kam humbur vëllanë dhe kolegun”, ka shkruar në Facebook kryeministri i Tunizisë Jusuf Shahed duke shtuar se ai ka shkuar duke kryer detyrën e tij, “vdiq derisa ishte duke kryer një akt humanitar”.
