Kryeministrja serbe Ana Bërnabiq do të jetë mysafire të premten në një takim të Komitetit të Punëve të Jashtme të Parlamentit Europian, i kryesuar nga David McCalister dhe Ministri i Jashtëm i Maqedonisë Nikola Dimitrov.
“Danas” zbulon jozyrtarisht, ku parlamentarët evropianë kanë përgatitur një seri pyetjesh që do të përcaktohen nga Ana Bqrnabiq, e cila do “të fletë më së shumti rreth sundimin e ligjit, liritë politike, lirinë e medias dhe marrëdhëniet me Rusinë”, raporton “Danas”, transmeton Periskopi.
“Pritet që deputetët tradicionalë kroatë, deputetët e partive euro-skeptike dhe ultra-djathtas në Parlamentin Evropian, gjithashtu do të shtrojnë pyetje që nuk do të lidhen vetëm me procesin e integrimit evropian dhe situatën në Serbi por edhe në fusha më të gjera”, vënë në dukje bashkëbiseduesit e gazetës serbe “Danas”.
Kryeministrja e Serbisë Ana Bërnabiq tha sot se do të diskutojë me zyrtarët evropianë të Brukselit mbi qëndrimin e Komisionit Evropian për rastet e Katalonjës dhe Kosovës.
Kur u pyet nga një gazetar për atë që qeveria serbe thotë për marrëdhëniet me Madridin, Ana Brnabiç tha se pikëpamja kryesore është se Komisioni Evropian duhet të jetë qartazi neutral ndaj statusit.
Ajo tha se Komisioni Evropian ka plotësisht të drejtë të thotë se respekton Kushtetutën e Spanjës dhe integritetin territorial dhe se qëndrimi i Serbisë është i njëjtë.
“Ne jemi plotësisht dakord me pozitën e Komisionit Evropian dhe çfarë ka thënë Komisioni, por pse nuk vlen edhe për ne”, tha kryeministrja./Periskopi/
