Kandidati i PDK’së për kryetar të Hanit të Elezit, Florim Shkreta, gjatë debatit me Jeta Xharrën, ka thënë se ai ka qenë në burg për vjedhje votash për PDK’në, por kjo sipas tij është ‘gjë e mirë’.
Ai ka thënë se madje ‘nganjëherë njeriu ka nevojë të shkojë në burg’, shkruan Periskopi.
Debati i plotë me gazetaren Jeta Xharra:
Xharra: Zotni Shkreta, njerëzit na kanë kallxu për ju që keni qenë të dënumë për vjedhje të votave e po kandidon për kryetar komune. Çfarë shembulli je tuj ju dhanë njerëzve
Shkreta: E çka ka të keqe që po kandidoj?
Xharra: Qysh, që ke vjedhë…s’di, a ka najsen të mirë që ke vjedhë vota a ?
Shkreta: Po ligji ma lejon
Xharra: Me vjedhë vota ta lejon ligji
Shkreta: Jo jo, qyre, akuzë muj me të ngritë edhe unë ti, por a kam bazë a s’kam bazë është diçka tjetër. Ama mu ligji ma lejon për me kandidu për kryetar.
Xharra: E a je kanë në burg?
Shkreta: Tashti mu…është e vërtetë kjo pyetje që ma ban se edhe burgun e kam majtë
Xharra: E ki majtë?
Xharra: Pash zotin qysh ish me majtë burg për vota
Shkreta: Shumë mirë, jam i kënaqtë shumë a…se me të vërtetë njeri ka nevojë kaniherë edhe në burg me shku. Po me shku kështu në mënyrë padrejtësisht ndoshta është pak, të mundon ma shumë, se nuk a’ kanë naj farë interesi i madh në atë vendvotimin që mu më kanë akuzu për me vjedhë vota.
Xharra: E sa vota i ke vjedhë? Hajt kallxona sa?
Shkreta: Nuk asht e vërtetë, domethënë procesi në vendvotim ka përfundu shumë në mënyrë të rregullt, tashi në rinumërim atje nuk e di sha kanë ba. Tashti po unë dyshoj që këtu është montim, se gjatë procesit gjyqësor njerëzit që janë akuzu baraz me mu
Xharra: Sa kohë ke majtë zoti Shkreta?
Shkreta: 6 muaj ditë
Xharra: Për sa vota 6 muaj?
Shkreta: Poj se di vallai si kam krejt shënimet Unë nuk ndjehna fajtor për këtë, kjo asht montim./Periskopi/
