Kryetari i Lidhjes Demokratike të Kosovës, Isa Mustafa, priti në takim ambasadorin britanik, Ruairi O’Connell. Gjatë takimit, u bisedua për zhvillimet aktuale në Kosovë dhe proceset tjera të rëndësishme.
Duke e falënderuar për mbështetjen e pazëvendësueshme të Britanisë për Kosovën, kryetari Mustafa shprehu përkushtimin e LDK-së dhe të qytetarëve të vendit për të thelluar bashkëpunimin edhe më tutje.
Mustafa, po ashtu, e njoftoi për fitoren e LDK-së në zgjedhjet e fundit lokale dhe angazhimin e LDK-së më tutje për t’i çuar përpara proceset për integrimet evropiane.
Mustafa dhe Ambasadori Ruairi O’Connell, biseduan edhe për çështjet tjera me rëndësi vitale për Kosovën.
