Ajo që ishte parashikuar për publikimin e dosjeve që lidhen me vrasjen e ish presidentit të SHBA’së John F. Kennedy nuk është përfundimtar, pasi vetëm 2, 891 nga rreth 3, 200 dokumente të fshehta të mbetura për këtë rast u publikuan të etnjten.
Publikimi i 2,891 dosjeve nga Arkivi Kombëtar i SHBA kishte për qëllim të përputhej me Aktin e Mbledhjes së Dokumenteve të Vrasjes së JFK-së i vitit 1992, i cili përcaktoi lirimin e dokumenteve për publikun jo më vonë se më 26 tetor 2017.
Ligji, i miratuar nga Kongresi dhe i nënshkruar nga Presidenti i atëhershëm George HW Bush, kishte për qëllim fryrjen e teorive komplotuese përreth vdekjes së Kennedyt, raporton “Sputnik International”, transmeton Periskopi.
CIA dhe agjencitë e tjera kanë rezistuar gjatë duke e bërë publike informacionin, duke shkaktuar polemika midis politikanëve dhe amerikanëve të zakonshëm dhe në minutën e fundit arriti të bllokojë lirimin e disa prej arkivave të fundit të dosjeve.
Përpara publikimit të dosjeve, Presidenti Trump premtoi se do të lejonte hapjen e “dosjeve të bllokuara dhe të klasifikuara”, në pritje të analizës. Megjithatë, mijëra faqe ende mbahen me kërkesë të agjencive qeveritare të SHBA’së, duke përfshirë Departamentin e Shtetit të SHBA’së, FBI dhe CIA’n.
Presidenti i SHBA’së Trump tha se publiku amerikan pret dhe meriton qasje në dosjet. “Unë po urdhëroj sot se mbulesa më në fund hiqet”, tha ai.
“Në të njëjtën kohë, departamentet ekzekutive dhe agjencitë më kanë propozuar që informata të caktuara të vazhdojnë të redaktohen për shkak të sigurisë kombëtare, zbatimit të ligjit dhe çështjeve të punëve të jashtme. Nuk kam zgjedhje – sot, por të pranoj ato redaktime në vend që të lejoj dëm potencialisht të pakthyeshëm për sigurinë e vendit tonë”, deklaroi Trump.
Dokumentet e mbetura i nënshtrohen një procesi shqyrtimi gjashtëmujor, me një afat të ri lirimi të datës 26 prill 2018.
Përfundimi i zymtë zyrtar i vdekjes së Kennedy – se ai u vra nga një person i armatosur i vetëm, Lee Harvey Osëald, ka çuar në një shumëllojshmëri të teorive të konspiracionit që rrethojnë vdekjen e presidentit.
Më popullorja mes tyre thotë se Kennedy u vra nga CIA apo elementë të tjerë të qeverisë amerikane.
Udhëheqësi kuban Fidel Castro, mafia, inteligjenca izraelite dhe një shumëllojshmëri e grupeve të tjera janë emëruar gjithashtu si konspiratore të mundshëm.
Teoria e CIA-s, e popullarizuar nga regjisori i filmit Oliver Stone 1991 “JFK”, ka mbetur më popullor. Filmi ishte një nga faktorët që frymëzonte krijimin e Aktit të Mbledhjes së Dokumenteve të Vrasjes së JFK-së të vitit 1992./Periskopi/
