Presidenti egjiptian, Abdel Fattah al-Sissi premtoi se do të përgjigjej me një forcë brutale pas sulmit të sotëm në një xhami, që shkaktoi të paktën 235 të vdekur në veri të Sinait.
“Forcat e armatosura dhe policia do të kundërpërgjigjen dhe do të rikthejnë me forcë sigurinë dhe stabilitetin shumë shpejt”, deklaroi ai në një fjalim televiziv.
“Të paktën 235 persona u vranë sot pas një sulmi në një xhami, nga persona të armatosur në veri gadishullit të Sinait, në territorin egjiptian”, njoftoi televizioni shtetëror egjiptian.
