Ende pa u caktuar data se kur do të ndodh rivotimi në Komunën e Istogut, dy kandidatët, Haki Rugova dhe Gani Dreshaj, e kanë nisur fushatën.
Ata kanë gjedhur varrin e ish- presidentit historik Ibrahim Rugova, në emër të së cilit të fitojnë edhe ndonjë votë.
Istogu për një kohë të gjatë ka qenë njëri nga bastionet e palëkundshme të LDK-së, derisa ish- presidenti Rugova kishte një mbështetje të pakursyer në këtë Komunë.
Duke qenë kështu, Haki Rugova i LDK-së sikurse edhe Gani Dreshaj i AAK-së, kanë vendosur që në takime të ndara ta nderojnë figurën e ish- presidentit tashmë të njdreë.
Në praninë e kreut të LDK-së Isa Mustafa, Haki Rugova së bashku me anëtarë të tjerë të kësaj partie e kanë nisur ditën sot, duke vizituar shtatoren Ibrahim Rugova në sheshin e Prishtinës.
Derisa, Gani Dreshaj, zgjodhi që të nderojë figurën dhe veprën e Ibrahim Rugovës duke vizituar familjen e ish presidentit.
Komuna e Istogut është detyruar që t’i nënshtrohet edhe njëherë rivotimit pas ankesës së LDK-së se në këtë vend ka pasur manipulime dhe keqpërdorime të votës.
Por LDK nuk ka kërkuar rivotim. Ata kanë kërkuar vetëm rinumërim në votat me postë, derisa për ta votimi i brendshëm ishte legjitim.
KQZ pritet që nesër të vendos për datën kur kjo komunë shkonë në rivotim.
