Sot u mor vesh se kryeministri Ramush Haradinaj ka shkuar për pushime me familje në Zvicër. Në Alpet zvicerane, Haradinaj sigurisht edhe do të bëjë ski, sport që e zotëron shumë mirë, meqë edhe më herët ka treguar aftësi për ski.
Mirëpo, një udhëheqës tjetër i shtetit ka preferuar që pushimet dimërore t’i bëjë në vendlindje, në Kosovë.
Kryetari i Kuvendit të Kosovës, Kadri Veseli është parë maleve dhe bjeshkëve të Kosovës.
Mirëpo, Veseli duket se tërthorazi e ka thumbuar Haradinajn për pushimet në Zvicër.
“Nuk ka pushime dimërore më të mira se në malet dhe bjeshkët e Kosovës”, ka shkruar Veseli.
Veseli dhe Haradinaj janë parë të afërt këto 100 ditët e para të qeverisjes në koalicionin e madh PDK-AAK-Nisma dhe të tjerët, shkruan lajmi.net.
Ferkime, të paktën publikisht, ndërmjet tyre nuk janë parë deri më tash.
Sido që të jetë, pas pushimeve dimërore, Veselin dhe Haradinajt e pret “dimër i nxehtë” politik në shumë aspekte… Gjykata Speciale, Demarkacioni, Ushtria, janë vetëm disa nga temat madhore që do t’ju dalin pashmangshëm përpara.
