Analisti politik, Azem Vllasi, në një intervistë për Telegrafin, ka thënë se çështja e formimit të ushtrisë së Kosovës, duhet të merret pa nxitime pasi sipas tij, fillimisht duhet bërë përgatitje e më pastaj të ndërmerren hapat e tjerë.
Vllasi tha se për ta votuar ushtrinë duhet një bazë kushtetuese, duke ditur që pakicat veçse kanë deklaruat që nuk do ta votojnë, andaj për këtë duhet të bisedohet edhe me pakicat, në mënyrë që t’ju tregohet se nuk duhet të bëhen vegël e Beogradit.
