Kryeministri grek Alexis Tsipras, nesër më datë 23 janar do të qëndrojë në Davos të Zvicrës, ku do të marrë pjesë në punimet e Forumit Ekonomik Botëror, aty pritet të takohet edhe me kryeministrin shqiptar Edi Rama dhe atë të Maqedonisë Zoran Zaev.
Sipas një deklarate dhënë nga zëdhënësi i qeverisë greke Dimitris Tzanakopoulos, Tsipras do të takohet edhe me udhëheqës tjerë, transmeton Koha.net.
Mësohet se Tsipras do të takohet me kryeministrin e Shqipërisë Edi Rama, atë të Maqedonisë Zoran Zaev, kryeministrin kroat Andrej Plenkovic, zëvendësministrin e Federatës ruse Igor Shuvalov, Komisionerin Evropian për Çështje Ekonomike Pierre Moscovici, atë Evropian për Zgjerim Johannes Hahn si dhe Drejtoreshën e Përgjithshme të Fondit Monetar Ndërkombëtar Christrine Legarde.
