Është arrestuar përsëri lideri i opozitës ruse, Alexei Navalny. Ndalimi i tij u bë në Moskë, ndërsa po merrte pjesë në një protestë të paautorizuar, në të cilën bëri thirrje për bojkotimin e zgjedhjeve presidenciale. Më herët policia bastisi dhe zyrat e fondacionit të tij anti-korrupsion.
Mësohet se 27 persona të tjerë janë arrestuar nga policia ruse për protestat e thirrura nga lideri opozitar. Navalny nuk arriti të kandidonte për president për shkak të një dënimi të mëhershëm, për të cilin analistët mendojnë se ishte i motivuar politikisht.
Ndërsa më herët gjatë së dielës, policia ruse ka zhvilluar një operacion kontrolli në selinë e Fondacionit anti-korrupsion të liderit të opozitës, Alexiei Navalny.
