Deputeti i LDK- së Lumir Abdixhiku në profilin e vet të Facebookut ka shkruar rreth prologut dhe epilogut të sotëm të seancës së Kuvendit të Kosovës kushtuar ratifikimit të Marrëveshjes së Demarkacionit, transmeton Koha.net.
Abixhiku ka thënë se Kosova po vazhdon të mbetet peng i inateve të një individit, që sipas tij, është kryeministri i vendit.
Ai ka folur edhe për gjuhën fyese që sipas tij, Haradinaj e ka përdorur kundër deputetëve të LDK-së duke shtuar se kjo gjuhë nuk e shantazhon këtë parti.
Ky është postimi i Abdixhikut:
Një vend i tanë vazhdon të mbetet peng i inateve të një njeriu – siç mbeti peng për 3 vjet rresht.
Pavarësisht se ofruam një zgjidhje, pavarësisht se kjo zgjjidhje u pranua nga shumica e partive shqiptare, pavarësisht se të gjitha raportet – po e përsëris – TË GJITHA raportet e të gjitha komisioneve ishin në ligj, Kryeministri vendosi me kryeneçësi. Vendosi të mos lëvizë nga pozicioni i tij fillestarë që sipas secilit interpretim ligjor prodhonte kontraditë. Nuk donte zgjidhje ani pse shumica ishin pajtuar për një gjë të tillë.
Sa për gjuhën ofenduese të tij, ajo s’na shantazhon; s’mund të na shantazhojë. Ta harrojnë. Ajo veçse tregon nivelin qeverisës në vend.
LDK do të votojë marrëveshjen, siç ka deklaruar gjithëherë. Unanimisht, me 27 vota për – sapo të shmangen kontraditat ligjore.
