Gazetari Adriatik Kelmendi atributin për ndaljen e trenit ia ka përshkruar pjesëtarëve të njësisë speciale të Kosovës, ROSU.
“Bravo djema të #ROSU
Shakaja se “Kosova është Serbi” u dëshmua sot se mund të shitet vetëm nga Beogradi deri në Rashkë, por jo në Kosovë, jo në 112 shtetet që e kanë njohur pavarësinë e saj!
“Vozi rus” me parulla provokuese do të duhej t’ia hapte sytë përfundimisht:
Prishtinës – se të përçarë e në kohën e ndryshimeve në administratën amerikane Serbia do të synojë çdo ditë të krijojë pozicion të ri “kusuritjeje”.
Beogradit – se me këtë monovër të poshtër ia kanë bërë të qartë edhe popullit serb se “Kosovo je Srbija” është vetëm shaka për konsum të brendshëm”, ka shkruar Kelmendi, i cili me sa duket nuk e ka parë protestën e “fuqishme” të Berat Buzhalës përmes së cilës ai ka shkruar se është ndalur treni.
