Kreu i Alternativës Afrim Gashi,me anë të një statusi në Facebook ka reaguar për ngjarjet e fundit në Kosovë, ku Gjykata Speciale ka konfirmuar aktakuzat ndaj Jakup Krasniqit, Rexhep Selimit, Hashim Thaçit dhe Kadri Veselit.
“Lufta e drejtë çlirimtare e shqiptarëve të Kosovës, e organizuar nën emblemën e shenjtë të UÇK-së, përkundër sulmeve që nuk kanë reshtur mbi të tashmë 20 vjet mbi të, megjithatë ka qenë dhe mbetet tharmi i dashurisë shqiptare për liri si gjithë kombet e tjerë në botë. Jam i sigurt se, ashtu si shumë sfida të tjera, edhe kjo e Gjykatës Speciale do të jetë një rrugë që do ta testojë se prirja jonë për liri ka qenë dhe mbetet ideal që nuk mund të njolloset me asgjë. Lavdi UÇK-së! Lavdi dëshmorëve të kombit!” – shkruan Gashi.
