Yulia Skripal tha që ajo e babai i saj Sergei Skripal “po bëhen më mirë” sipas një video-inçizimi të paverifikuar që u lëshua në televizionin shtetëror rus, raporton Independent, shkruan Periskopi.
Transkripti e paraqet bisedën mes Yulia-s, që bashkë me babin e saj u helmua në Salisbury muajin e kaluar, dhe Viktorias – kurshërirë e saj.
Gjatë bisedës, Yulia i tha kurshërirës se “shëndeti i të dyve është mirë,”
Megjithatë, ende autenticiteti i këtij materiali nuk është verifikuar.
Sipas inçizimit, ajo thotë që babai i saj dhe vetë ajo po shërohen shpejt dhe pritet të lënë spitalin.
Britania e madhe po e fajëson Rusinë për sulmin, ndërkohë që Moska po e mohon. Shumë lëvizje politike e diplomatike janë ndërmarrë deri tash, duke e bërë botën aktualisht të duket sikur është në prag të luftës së ftohtë.
Kurshëria e saj Viktoria ka thënë që dëshiron të shkojë në Britani, e të marrë Yulian me vete nëse jo edhe Sergein –ish agjentin rus./Periskopi
