Shpend Ahmeti një vit më parë kishte krejt mendime të tjera për Hashim Thaçin, ndryshe nga tash kur është bërë bashkë me të për ta udhëhequr dialogun e Kosovës me Serbinë.
“U ka kaluar afati”, këto ishin fjalët që Shpend Ahmeti i kishte shkruar një vit më parë në profilin e tij në rrjetin social Twitter për Kadri Veselin dhe Hashim Thaçin.
Ai madje fliste edhe për rrugën e drejtë dhe të pandalshme të tij për çlirimin nga PRONTO. Por gjithë këto deklarime, nuk e kanë penguar kreun e PSD-së që një vit më vonë të ulet përballë në një tavolinë me presidentin Hashim Thaçi.
Rezoluta që u propozua nga PSD për dialogun Kosovë-Serbi, kishte kaluar në kuvend me 59 vota pro, duke e bërë kështu Shpend Ahmetin bashkë-kryesues të ekipit dialogues bashkë me Fatmir Limajn.
