Kanë humbur jetën dy persona në një aksident rrugor natën e mrëmbshe në Komsi, rrethi i Matit në Shqipëri, shkruajnë mediat shqiptare, njofton Klan Kosova.
Mësohet se një person i tretë ka mbetur i plagosur.
Ka qenë një 15 vjeçar që ka shkaktuar aksidentin duke drejtuar mjetin e tipit Opel.
I mituri kishte marrë makinën e të atit në rrethana ende të paqarta dhe pas aksidentit është larguar nga vendi i ngjarjes, për t’u dorëzuar në komisariat disa orë më pas nën shoqërimin e të atit.
Në aksidentin mbeten të vdekur 29-vjeçari, Gentian Hamiti dhe 35-vjeçarin Alfred Balla të dy nga Komsia e Matit.
Mësohet se automjeti që drejtonte 15 vjeçari u përplas fillimisht me një motor dhe më pas goditi njerëzit në trotuar.
Nga përplasja mbeti i plagosur edhe 17-vjeçari A.H., që ndodhet në spitalin e Traumës në Tiranë.
