Një person ka vdekur si pasojë e një aksidenti të rëndë që ka ndodhur mbrëmjen e së martës në magjistralen Ferizaj – Shkup.
Lajmin e ka konfirmuar për Koha.net, zëdhënësi i Policisë së Kosovës për rajonin e Ferizajt, Agim Gashi.
“Një shofer në mbrëmje ka humbur kontrollin e automobilit në magjistralen Ferizaj-Shkup dhe ka dalë nga rruga duke goditur objektet afër. Si pasojë një person i moshës 37-vjeçare ka vdekur, ndërsa dy të tjerë janë lënduar. Vdekja e tij është konfirmuar nga mjeku në vendin e ngjarjes”, ka thënë ai.
