Një aksident ka ndodhur mbrëmjen sotme në qytetin e Korçës, në afërsi të teatrit, ku një mjet ka zënë poshtë një kalimtar që po lëvizte me skuter./
Sipas informacioneve paraprake, mjeti po përpiqej të hynte në parkim kur ka kaluar mbi skuterin e një shtetasi, i cili ka mbetur i bllokuar poshtë tij.
Menjëherë pas aksidentit, kanë mbërritur forcat e policisë dhe ambulanca.
Pasi ndërhyri ekipi mjekësor për të nxjerrë të dëmtuarin nga vendngjarja, ai u dërgua me urgjencë në spital për ndihmë të specializuar.
Policia ndërkohë ka nisur hetimet për zbardhjen e rrethanave të aksidentit dhe për të përcaktuar përgjegjësinë për ngjarjen.
