Një aksident ka ndodhur mëngjesin e kësaj të hëne në Lushnjë. Policia bën me dije se dy mjete janë përplasur më njëra-tjetrën në aksin Berat-Lushnjë.
Nga aksidenti kanë mbetur të lënduar dy drejtuesit dhe një pasagjere.
Policia ka nisur punën për zbardhjen e ngjarjes.
Njoftimi i policisë:
Rreth orës 05:00, në aksin rrugor “Berat-Lushnjë”, shtetasi V. C., 58 vjeç, duke drejtuar automjetin është përfshirë në një aksident me një automjet me drejtues shtetasin M. R., 32 vjeç.
Si pasojë e aksidentit janë dëmtuar 2 drejtuesit e automjeteve, dhe 1 pasagjere, të cilët ndodhen në spital për ndihmë mjeksore, jashtë rrezikut për jetën.
Grupi hetimor po punon për sqarimin e plotë të rrethanave të aksidentit.
