Një aksident është shënuar në aksin rrugor “Korçë-Pogradec” pasditen e sotme, ku tre automjete janë përplasur, duke mbetur kështu të lënduar një çift që ndodhej në një prej makinave.
Ngjarja ka ndodhur rreth orës 17:10, në afërsi të fshatit Guri i Kuq.
Ka qenë automjeti tip “Audi” që drejtohej nga shtetasi F.Y., i cili është përplasur me makinën tip “Opel”, e drejtuar nga shteasi A.M.. Ky i fundit pasi ka humbur kontrollin është përplasur me automjetip tip “Ford”, që drejtohej nga shtetasi H.H., dhe pasagjere ishte bashkëshortja e tij Xh.H.
Çifti i bashkëshortëve mbetën të lënduar dhe ndodhen në spital nën kujdesin e mjekëve.
Sakaq, drejtuesi i automjetit “Audi” është shoqëruar në komisariat për veprime procedurale.
Njoftimi i policisë:
Pogradec/Informacion paraprak
Rreth orës 17:10, në aksin rrugor “Korçë-Pogradec”, në afëris të fshatit Guri i Kuq, automjeti tip “Audi” me drejtues shtetasin F. Y., është përplasur me
automjetin tip “Opel “, me drejtues shtetasin A. M., dhe me automjetin tip “Ford”, me drejtues shtetasin H. H.
Si pasojë e përplasjes kanë ngelur të dëmtuar drejtuesi i automjetit tip “Ford” shtetasi H. H., si dhe bashkëshortja e tij shtetasja Xh. H., të cilët ndodhen në spital nën kujdesin e mjekëve.
Drejtuesi i automjetit tip “Audi”, shtetasi F. Y., është shoqëruar në ambjetet e Komisariatit, për veprime të mëtejshme procedurale.
Grupi hetimor ndodhet në vendngjarje, për të zbardhur rrethanat dhe shkakun e aksidentit.
