Një aksident i rëndë trafiku ka ndodhur matanë kufirit të Kosovës me Maqedoninë, në të cilin është përfshirë një veturë me targa të rajonit të Prishtinës dhe një kamion, të cilit nuk i shihen tabelat por për të cilin raportohet se po ashtu ka qenë me targa të Kosovës.
Sipas një dëshmitari të këtij rasti, që ka dërguar fotografitë në adresë të portalit Koha.net, personi që ka qenë duke drejtuar veturën e tipit Passat ka vdekur.
Aksidenti ka ndodhur në orët e hershme të mëngjesit.
Ndërkaq, sipas burimeve të Koha.net, viktima e këtij rasti është shtetasi Alfons Ahmeti, i lindur më 14.05.1975.
Sipas po të njëjtave burime, mësohet se aksidenti ka ndodhur në orën 5.30 të mëngjesit, kur vetura e viktimës është përplasur me një kamion.
Këto burime thonë se ende nuk ka një vlerësim final nga ana e Policisë maqedonase për shkaqet e aksidentit.
